काठमाडाैंः काठमाडाैं र भक्तपुरमा भएकाे छुट्टाछुट्टै दुर्घटनामा परी दुई जनाकाे ज्यान गएकाे छ। काठमाडाैंकाे माकलबारीमा बा७०प ८९८ नम्बरको मोटरसाइकल र भक्तपुरकाे राधेराधेमा बा५३प ६९३८ नम्बरको मोटरसाइकल दुर्घटना हुँदा दुई जनाकाे ज्यान गएकाे हाे।
माकलबारीमा दुर्घटना भएकाे माेटरसाइकल सडक किनारको पोलमा ठोक्किएकाे थियाे। साे दुर्घटनामा माेटरसाइकल चालक अत्तरखेल बस्ने सिरहा जिल्लाका २२ वर्षीय सोनाम मुखियाको निधन भएकाे छ।
बुधबार राति पौने दुई बजे दुर्घटना भएकाे थियाे। दुर्घटनामा गम्भीर घाइते भएका मुखियालाई मेडिकल कलेज अत्तरखेलमा उपचारको लागि पुर्याइए पनि उपचारकै क्रममा गएराति उनकाे निधन भएको प्रहरीले जनाएको छ।
यस्तै राधेराधेमा भएकाे दुर्घटनामा काभ्रे धुलिखेल नगरपालिका-१० निवासी ३२ वर्षीय महेश शाह ठकुरीको ज्यान गएकाे छ। बुधबार राति पौने १० बजे सडक किनारको रेलिङमा ठोक्किएर दुर्घटना हुँदा मोटरसाइकलमा पछाडि सवार ठकुरीको निधन भएको हो।
मोटरसाइकल चालक २२ वर्षीय महेन्द्र शाह ठकुरीकाे हाल उपचार भइरहेको प्रहरीले जनाएको छ।
प्रतिक्रिया