महोत्तरी : झण्डै एक महिनादेखि सुतेको खाटसहित बेपत्ता  दम्पत्तीको शव गाडिएको अवस्थामा फेला परेको छ । पिपरा गाउँपालिका - २ मा गाडिएको अवस्थामा  बेपत्ता  दम्पत्तीको शव फेला परेको प्रहरीले जनाएको छ। शव पाँच फिट तल गाडिएको अवस्थामा फेला परेको हाे ।

फेला परेकाे  शव  बेपत्ता  दम्पतीकै  भएको प्रदेश नम्बर दुई प्रहरी कार्यालयले पुष्टि गरेको छ । पिपरा गाउँपालिका– ५ सहोडबाका मुसाफिर झा र उनकी पत्नी गीता देवी झा गत फागुन १० गते रातिदेखि वेपत्ता थिए । यसअघि नै झा दम्पतीको अपहरणको आरोपमा चार जना पक्राउ परिसकेका छन् । झा दम्पतीको हत्या वा अपहरण भएकोबारे अनुसन्धान भइरहेको प्रहरीले जनाएको छ ।