काठमाडौं : चलचित्र निर्माता एवम् निर्देशक माधव  वाग्लेले नायक बिपिन कार्की र नायिका स्वस्तिमा खड्कालाई लिएर चलचित्र ‘विवेक’ निर्माण एवं निर्देशन गर्ने भएका छन् । यो चलचित्रको अडिसन शनिबार जनकपुरमा हुँदैछ र सोही ठाउँमा चलचित्रको छायाँकनसमेत हुने भएको छ । जेठबाट छायाँकन सुरु हुने चलचित्रको मुख्य भूमिकामा बिपिन र स्वस्तिमा रहेका छन् ।

मधेशी युवाको यथार्थ कथामा निर्माण हुने चलचित्रको पटकथा लोकनाथ कोइरालाले लेखेका हुन् । चलचित्रको अडिसन पोस्टरमा बिपिन कार्की चित्रण गरिएको टीजर पोस्टर पनि लन्च गरिएको छ । यो चलचित्र नेपाली, मैथिली र भोजपुरी भाषामा निर्माण हुने भएको निर्माण टिमले जानकारी दिएको छ ।