काठमाडौं : बजारमा माग कम हुन थालेपछि चिनियाँ स्मार्ट फोन कम्पनी ओप्पोले मुल्यमा कटौती थालेको छ ।  सामसङ, सोओमी जस्ता ब्राण्डले बजारमा बर्चस्व जमायन थालेपछि ओप्पोले पछिल्लो समय मूल्यमा कटौती गरिरहेको हो ।

ओप्पोले नयाँ वर्षको अवसर भन्दै मोबाइलको मूल्य पनि घटाएको छ । कम्पनीले ओप्पोे ए१२ मा ३ जीबी भएको स्मार्टफोनको मूल्य घटाएको हो । यसअघि १६ हजार ५ सय ९० मूल्य रहेको उक्त फोनको मूल्य १५ सयले घटाएर १४ हजार ९ सय ९० मा उपलब्ध गराएको छ ।

कम्पनीका अनुसार यो फोन नेपाली बजारमा कालो र नीलो गरी दुई रंगमा उपलब्ध छ । सन् २०२० को अगस्ट महिनामा सार्वजनिक उक्त फोनको चौडाई ८।३ एमएम र तौल १ सय ६५ ग्राम रहेको छ ।