झापाः मोटरसाइकल अनियन्त्रित भई दुर्घटना हुँदा एक जनाकाे निधन भएकाे छ। झापा, शिवसताक्षी नगरपालिकामा बिहीबार बिहान आफैंले चलाएकाे माेटरसाइकल अनियन्त्रित हुँदा शिवसताक्षी– १ धरमपुरका ४६ वर्षीय किशोर कार्कीको निधन भएकाे हाे।

मे १० प ३५६९ नं को मोटरसाइकल दुर्घटना भएकाे हाे। दुर्घटनामा परी टाउकाेमा चोट लागेर गम्भीर घाइते भएका कार्कीकाे उपचारका क्रममा बिहीबार बिहान सवा २ बजे निधन भएको इलाका प्रहरी कार्यालय झिलझिलेले जनाएको छ।