काठमाडौं । नेपाली सेनाले रिक्त पदको लागि आवेदन खुल्ला गरेको छ । बिहीबारको गोरखापत्रमा एक सूचना प्रकाशित गर्दै रिक्त रहेको दुई सय अधिकृत क्याडेट पदका लागि सेनाले दरखास्त आवेदन माग गरेको हो ।

योग्यता पुगेका नेपाली नागरिकले नेपाली सेनाको आधिकारिक वेवसाइट https://www.nepalarmy.mil.np मा गइ अनलाईन आवेदन दिन सक्ने सेनाले जनाएको छ । माघ २२ मा प्रकाशित सूचना अनुसार आगामी फागुन २१ गतेसम्म फारम भर्ने म्याद रहेको छ । त्यस्तै दोब्बर दस्तुर बुझाएर फारम भर्ने मिति आगामी फागुन २२ देखि २८ गतेसम्म रहेको छ ।

सेनाले मागेको आवेदनमा एक सय पाँच जना खुलातर्फ रहेको छ । त्यस्तै १८ महिला, २९ आदिवासी÷ जनजाती, २५ मधेशी, १४ दलित, ४ पिछडिएको क्षेत्र र पाँच जना सैनिक कर्तव्य गर्दागर्दै शारिरिक अशक्त भएका वा मृत्यु भएका नेपाली सैनिकका सन्ततीको लागि आवेदन माग भएको छ ।

विज्ञापनबारे थप बुझ्न गोरखापत्रमा प्रकाशित यो सूचना  हेर्नुहोला ।