काठमाडाैंः आगामी वैशाख १ देखि नेकपा एमालेको पार्टी कार्यालय थापाथलीमा सर्ने भएको छ। बुधबार एमाले अध्यक्ष तथा प्रधानमन्त्री केपी शर्मा ओलीले नयाँ भवनकाे निरीक्षणसमेत गरिसकेका छन्।

यसअघि यूएनले समेत प्रयाेग गरिसकेकाे भवनमा एमाले पार्टी कार्यालय सर्न लागेकाे हाे। नयाँ भवन थापाथलीमा सेन्ट जेभियर्स कलेज नजिकै रहेकाे छ। 

२०७२ सालको भूकम्पपछि एमालेकाे पार्टी कार्यालय बल्खुबाट धुम्बाराहीकाे पासाङ ल्हामु पर्वतारोहण प्रतिष्ठानको भवनमा सरेकाे थियाे। तर प्रतिष्ठानले डेढ वर्षको सम्झौता बाँकी छँदै भवन खालि गर्न चिठी पठाएपछि एमाले पार्टी कार्यालय सर्न लागेकाे हाे।