अछामः चार्जमा राखेर फिल्म हेर्ने क्रममा मोबाइल पड्किँदा अछाममा एक किशोरीको निधन भएको छ। सुदूरपश्चिम प्रदेश प्रहरी कार्यालय दिपायलका प्रहरी वरिष्ठ उपरीक्षक मुकेशकुमार सिंहका अनुसार निधन हुनेमा मङ्गलसेन नगरपालिका–१ की १५ वर्षीया सपना नाथ रहेकी छिन्।

मोबाइल पड्किएर गम्भीर घाइते भएकी उनकाे जिल्ला अस्पताल अछाममा उपचारकाे क्रममा मङ्गलबार निधन भएको हो।

मृतक सपना स्थानीय कुन्ति माध्यमिक विद्यालय कक्षा ६ मा अध्ययनरत थिइन्।