सर्लाहीः लालबन्दीमा १५ किलो गाँजासहित तीनजना पक्राउ परेका छन्। इलाका प्रहरी कार्यालय लालबन्दीबाट विशेष सराकीकाे आधारमा खटिएकाे टाेलीले लालबन्दी नगरपालिका- १७ स्थित रानीगञ्जबाट ज१ह ४६०९ नं.को अटोमा सवार तीनजनालाई गाँजासहित पक्राउ गरेकाे हाे। 

पक्राउ पर्नेमा स्थानीय अटो चालक ४५ वर्षीय पुष्पबहादुर फुयाँल, ४० वर्षीय सुरेन्द्रकुमार बल र ४१ वर्षीय पाल्साङ पाख्रिन छन्।

अटोमा राखिएको तीनवटा जेब्रा झोलाभित्र १५ किलो गाँजा बरामद भएको जिल्ला प्रहरी कार्यालय सर्लाहीका प्रहरी प्रवक्ता मदन कुँवरले बताए। ती मध्ये सुरेन्द्रकुमार बलको साथबाट नगद रू २५ हजारसमेत बरामद भएको छ।

अटो र गाँजासहित तीनैजनालाई नियन्त्रणमा लिई थप अनुसन्धान थालिएको छ।