काठमाडाैंः  प्रधानमन्त्री केपी शर्मा ओलीले आफूमाथि शारीरिक प्रहार हुनसक्ने बताउँदै केही भए अनाैठाे नमान्न कार्यकर्तालाई आग्रह गरेका छन्।

पोखरामा आज साेमबार गण्डकी प्रदेशस्तरीय कार्यकर्ता भेलालाई सम्बोधन गर्दै नेकपा ओली समूहका अध्यक्ष ओलीले सम्पूर्ण रुपले प्रहार आफूमाथि भएको बताएका हुन्।

उनले भने- ‘सम्पूर्ण रुपले ममाथि प्रहार भएको छ, अत्यन्तै तीव्र रुपमा भएको छ। शारीरिक हमला नै भयो र ज्यान तलमाथि भयो भने पनि अनौठो नमान्नुहोला।'

आफू नरहे पनि पार्टीको भविष्य अन्धकारमा जान नदिन उनले कार्यकर्ताहरुलाई अपिल गरे।

प्रधानमन्त्री ओलीले हरेक परिस्थितिको सामना गर्ने पनि बताए।