लेटेस्ट न्युज
advertisement1

२०८४ सालसम्म प्रधानमन्त्री बन्दिनँ : अध्यक्ष दाहाल

Maryada News 2025-03-21 14:40:32
२०८४ सालसम्म प्रधानमन्त्री बन्दिनँ : अध्यक्ष दाहाल

पर्सा, नेकपा (माओवादी केन्द्र) का अध्यक्ष पुष्पकमल दाहालले आफू ०८४ सालको आम निर्वाचनअघि प्रधानमन्त्री हुने दौडमा नरहेको स्पष्ट पारेका छन्।

सुशासनको पक्षमा काम गर्दा कांग्रेस र एमाले मिलेर सरकारबाट हटाएको भन्दै अब ०८४ को निर्वाचनसम्म जनतामाँझ रहने र सरकारमा नजाने दाहालको दाबी छ।

पर्सामा आयोजित पत्रकार भेटघाट कार्यक्रममा अध्यक्ष दाहालले आफू नेतृत्वको सरकारले भ्रष्टाचारविरुद्ध आन्दोलन छेडेको पनि स्मरण गराए।

माओवादी सत्तामा हुँदा एउटा कुरा गर्ने र बाहिर जाँदा अर्को कुरा गर्ने पार्टी नभएको पनि अध्यक्ष दाहालको दाबी छ।

आफूलाई भ्रष्टहरुले मिलेर सरकारबाट हटाएको र कांग्रेस र एमोललाई सरकारको नेतृत्वमा स्थापित गराएको गम्भीर आरोप लगाए।

अध्यक्ष दाहालले अहिलेको केपी ओली नेतृत्वको सरकार नराम्रो काम गर्न र आफ्ना मान्छे जोगाउनको लागि बनेको आरोप लगाए।

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

प्रतिक्रिया

खोज्नुहोस्