काठमाडौं :  प्रतिनिधि सभा विघटनको मुद्धामा सर्वोच्च अदालतमा भोली (मङ्गलबार) देखि अदालतका सहयोगी (एमिकस क्युरी)को बहस सुरु हुने भएको छ । एमिकस क्युरीको बहसपछि अन्तिम निर्णय आउनेछ ।  प्रतिनिधिसभा विघटनविरुद्धको रिट निवेदनमाथिको जवाफी बहस आज सकिएको छ ।

एमिकस क्युरीमा वरिष्ठ अधिवक्ता बद्रीबहादुर कार्की, सतिशकृष्ण खरेल, विजयकान्त मैनाली, पूर्णमान शाक्य र गीता पाठक  छन् । उनीहरूले उक्त विषयमा अदालतलाई न्याय सम्पादनमा सहयोग पुग्ने उद्देश्यका साथ स्वतन्त्र विचार दिनेछन्।

मुद्धामा प्रधानन्यायाधीश चोलेन्द्रशम्शेर जबरा, न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना मल्ल र तेजबहादुर केसीको संवैधानिक इजलासमा मुद्धा सुनुवाइ भइरहेको छ ।