एजेन्सी- टि ट्वान्टी क्रिक्रेटमा पाकिस्तानले एक सय खेल जित्दै किर्तिमान रचेको छ। छोटो फम्र्याटको खेलको रुपमा रहेको टि ट्वान्टी क्रिकेटमा पाकिस्तानको राष्ट्रिय पुरुष टोलीले हालसम्म कुनै टोलीले पनि प्राप्त गर्न नसकेको कोशेढुंगा प्राप्त गरेको हो।
बाबर आजमको कप्तानीमा रहेको पाकिस्तानी टोलीले दक्षिण अफ्रिकाविरुद्ध जित निकाल्दै यस्तो किर्तिमान रचेको हो। दक्षिण अफ्रिका र पाकिस्तानबीच टि ट्वान्टी क्रिकेट श्रृङ्खला सम्पन्न भइसकेको छ। दक्षिण अफ्रिकालाई हराएर पाकिस्तानले श्रृङ्खला २–१ ले कब्जा गर्न समेत सफल भएको भइसकेको छ।
पाकिस्तानपछि धेरै टि ट्वान्टी म्याच जित्नेमा भारत रहेको छ। भारतले ८५ वटा टि ट्वान्टी खेल जितेको छ। यस्तै ७१ खेलमा विजय प्राप्त गर्दै दक्षिण अफ्रिका तेस्रो नम्बरमा छ।
विश्व क्रिकेटको सर्वाधिक रुचाइएको र सफल टोली अष्ट्रेलिया भने यो लिस्टमा चौथो नम्बरमा रहेको छ।
प्रतिक्रिया