काठमाडाैंः नेपालमा सुनको मूल्‍य तोलामा तीन सय रूपैयाँले घटेको छ। नेपाल सुन चाँदी व्यवसायी महासंघले बुधबार सुनकाे मूल्यमा गिरावट आएकाे जनाएको हाे।

मंगलबार छापावाल सुन ९२ हजार तीन सय रूपैयाँमा कारोबार भएको थियाे भने बुधबार तीन सय रूपैयाँले घटेर ९२ हजार रूपैयाँ कायम भएको छ।

बुधबार तेजाबी सुनको मूल्‍य भने ९१ हजार पाँच सय रूपैयाँ कायम भएकाे छ। चाँदीको मूल्‍यमा भने घटबढ नभएकाे महासंघले जनाएकाे छ। चाँदीको मूल्‍य प्रतितोला एक हजार तीन सय ४५ रूपैयाँमा स्थिर रहेकाे छ।

यस्तै महासंघले निषेधाज्ञाका कारण सुनचाँदीकाे काराेवार ठप्प रहेकाे जनाएकाे छ। सामान्य अवस्थामा दैनिक ३५ किलो सुनको खपत हुने गरेकाे बजार हाल लगभग शून्यकाे स्थितीमा पुगेकाे बताइएकाे छ।