चितवनः गोरखाका कोरोना सङ्क्रमितको चितवनमा निधन भएको छ। निधन हुनेमा पालुङटार नगरपालिका–६ का ७८ वर्षीय वृद्ध रहेका छन्।

उनको आइतबार राति १२ः४५ मा भरतपुर अस्पतालमा निधन भएको हो। निमोनिया र मधुमेहबाट पीडित वृद्ध वैशाख १७ मा अस्पताल भर्ना भएका थिए। उनमा १८ गते कोरोना सङ्क्रमण पुष्टि भएको थियो।

कोरोना पुष्टि भएसँगै अस्पतालको कोभिड सघन उपचार कक्षमा उपचारका क्रममा उनको निधन भएको अस्पतालले जनाएको छ।