काठमाडौं : कोरोना संक्रमणका कारण भारतीय टिभी पत्रकार रोहित सरदानाको निधन भएको छ । सरदानालाई अप्रिल २४ मा कोरोना सङ्क्रमण पुष्टि भएको थियो । भारतमा कारोनाभाइरसबाट सङ्क्रमित भएकाहरुको दैनिक सङ्ख्या दिन प्रतिदिन बृद्धि हुँदै गएको छ ।

तिब्र गतिमा फैलिएको कोरोनाभाइरसबाट एकै दिनमा तीन लाख ८६ हजार ४५२ जना सङ्क्रमित भएका छन् ।कोरोनाभाइरसको महामारी फैलिएदेखि यता गत २४ घण्टामा हालसम्मकै सबैभन्दा धेरै सङ्क्रमित भएको भारतीय अधिकारीहरुले जनाएका छन् । पत्रकार सरदाना आज तक टेलिजिनका दंगल लगायत चर्चित कार्यक्रमका प्रस्तोता थिए ।