बाजुरा : त्रिवेणी नगरपालिकामा राखिएको टेलिफोनको टावरमा एक महिनादेखि समस्या आउँदा स्थानीयवासी समस्यामा परेका छन् । तोलीमा राखिएको टावरमा पटक–पटक खराब हुने भएकाले त्रिवेणी क्षेत्रमा टेलिफोन सेवा अवरुद्ध भएको स्थानीय भरत बुढाले जानकारी दिए ।     
     
नेपाल टेलिकम बाजुराका सूचना अधिकारी मानबहादुर रोकायाले विद्युत्मा आएका समस्याले फोन सेवा अवरुद्ध भएको बताए। उनले विद्युत् सेवा आएको बेला फोन सेवा सञ्चालन हुने र विद्युत् नभएका बेला टावरले काम नगर्ने बताए । टेलिफोनको सेवा नियमित सूचारु गर्नका काम भइरहेको टेलिकमले जनाएको छ ।