काठमाडौं : नेकपा एमालेको नयाँ मुख्यालय  थापाथलीबाट बालिका खड्का पक्राउ परेकी छन् । नयाँ पार्टी मुख्यालयको उद्घाटनकै दिन खड्का पक्राउ परेकी हुन् ।

प्रदेश १ का मुख्यमन्त्री शेरधन राई समेत सहभागि रहेको कार्यक्रममा राईलाई ‘बलात्कारी’ भन्दै गाली गर्न थालेपछि खड्का कार्यालय परिसरबाटै पक्राउ परेकी हुन् । हाल उनलाई महानगरीय प्रहरी वृत्त सिंहदरबारमा राखिएको छ । उनले प्रदेश–१ का मुख्यमन्त्री शेरधन राईले आफूलाई बिचल्ली बनाएको आरोप लगाउँदै आएकी छिन् ।