काठमाडाैंः पछिल्लाे २४ घण्टामा नेपालमा चार सय ९६ जनामा काेराेना भाइरसकाे संक्रमण भेटिएकाे छ। स्वास्थ्य तथा जनसंख्या मन्त्रालयले साेमबार गरेकाे प्रेस ब्रिफिङअनुसार पाँच हजार एक सय पाँच पीसीआर परीक्षण गर्दा चार सय ९६ जनामा काेराेना संक्रमण भेटिएकाे हाे। 

आजसहित नेपालमा कुल संक्रमितकाे संख्या दुई लाख ८० हजार पाँच सय २४ पुगेकाे छ। 

यस्तै पछिल्लाे २४ घण्टामै काेराेना संक्रमणका कारण १३ जनाकाे निधन भएकाे छ। आजसहित नेपालमा कुल मृतककाे संख्या तीन हजार ५३ पुगेकाे छ। यस्तै एक सय ३८ जना संक्रमणमुक्त पनि भएका छन्। याेसहित नेपालमा कुल दुई लाख ७४ हजार एक सय ६५ जना संक्रमणमुक्त भएका छन्।

नेपालमा हाल सक्रिय संक्रमितकाे संख्या तीन हजार तीन सय ६ रहेकाे छ भने ८५ जना क्वारेन्टिनमा रहेका छन्।