काठमाडाैंः नेपालमा पछिल्लाे २४ घण्टामा एक सय ५२ नयाँ संक्रमित फेला परेका छन्। चार हजार दुई सय १३ जनाकाे पीसीआर परीक्षण गर्दा एक सय ५२ नयाँ संक्रमित फेला परेका हुन्।
यससँगै नेपालमा काेराेना भाइरस संक्रमण हुनेकाे कुल संख्या दुई लाख ७७ हजार चार सय ६१ पुगेकाे छ। पछिल्लाे २४ घण्टामै ६५ जना संक्रमणमुक्त भएका छन्। याेसँगै कुल दुई लाख ७२ हजार आठ सय ५१ जना संक्रमणमुक्त भइसकेका छन्।
यस्तै बितेकाे २४ घण्टामै काेराेना संक्रमणका कारण एक जनाकाे निधन भएकाे छ। यससँगै हालसम्म नेपालमा कोरोनाबाट तीन हजार ३१ जनाले ज्यान गुमाएका छन्।
देशभर अब सक्रिय संक्रमितको संख्या एक हजार पाँच सय ७९ रहेको स्वास्थ्य मन्त्रालयले बिहीबार सार्वजनिक गरेको तथ्यांकमा उल्लेख छ।
प्रतिक्रिया