महोत्तरीः घाँस काट्न भनि घरबाट निस्केका सात जना किशाेरी वेपत्ता भएका छन्। जिल्लाकाे भंगहा नगरपालिका वडा नम्बर ८ धर्मपुरका ७ जना बालिका र किशोरीहरु वेपत्ता भएका हुन्।

वेपत्ता हुनेमा १८ वर्षीया अस्मिता पासवान र नगिना पासवान, १५ वर्षीया रिया पासवान र अर्चना पासवान, १३ वर्षीया ज्योती पासवान, १० वर्षीया रञ्जना पासवान र सीमा पासवान रहेकाे प्रहरीले जनाएको छ।

मंगलबार दिउँसो घाँस काट्न गएका सातै जना किशाेरी हालसम्म घर नफर्किएकाे जिल्ला प्रहरी कार्यालय महाेत्तरीले जनाएको छ।

वेपत्ता भएका किशाेरी बारे हालसम्म कुनै सूचना प्राप्त नभएकाे र एकै पटक एकै गाउँका ७ जना वेपत्ता हुँदा गाउँमा त्रास उत्पन्न भएको स्थानीय र प्रहरीकाे भनाइँ छ।