महोत्तरी । जिल्लाको गौशाला–सम्सी सडकखण्डमा सोमबार बिहानै ट्रिपरले ठक्कर दिँदा मोटरसाइकलमा सवार दुई जनाको घटनास्थलमै निधन भएको छ । 

महोत्तरीकै बलवा नगरपालिका–९ बस्ने १९ वर्षीय प्रमोदराम चमार र औरही नगरपालिका–४ बस्ने १७ वर्षीय गुड्डु नदाफको निधन भएकोे जिल्ला प्रहरी कार्यालयले जनाएको छ ।  

आज बिहान ९ बजे सम्सीबाट गौशालातिर जाँदै गरेको ना ८ ख ९८० नं को ट्रिपरले औरही नगरपालिका–४ कठुधारचौकस्थित सडकमा विपरीत दिशाबाट आइरहेको ज६प १४०९ नं को मोटरसाइकललाई ठक्कर दिँदा मोटरसाइकल चालक प्रमोद र पछाडि सवार गुडडुको घटनास्थलमै निधन भएको हो । 

स्थानीयवासीले घटनापश्चात् शवलाई सडकमा राखेर गौशाला– सम्सी सडकखण्ड जाम गरेका छन् भने ट्रिपर चालकलाई प्रहरीले नियन्त्रणमा लिएको छ ।