अछामः भिरबाट लडेर ७ वर्षीया बालिकाकाे निधन भएकाे छ। अछामको बान्निगढी जयगढ गाउँपालिका–६ दर्ना चन्डालीकी आयुशा ठकुल्लाको निधन भएकाे हाे।

सुदूरपश्चिम प्रदेश प्रहरी कार्यालय दिपायलका प्रहरी वरिष्ठ उपरीक्षक मुकेशकुमार सिंहका अनुसार मङ्गलबार बिहान ८ः३० बजे विद्यालय जाँदै गरेको अवस्थामा भिरबाटो भन्ने ठाउँबाट लडेर उनी गम्भीर घाइते भएकी थिइन्।

गम्भीर घाइते भएकी बालिकालाई प्रहरी टोलीले उद्धार गरी बयलपाटा अस्पताल लैजाने क्रममा बीचबाटोमै मृत्यु भएको बताइएकाे छ।

बालिका भिरबाट करीब एक सय ५० मिटर तल खसेको प्रहरीले जनाएको छ।