झापाः जङ्गली हात्तीले आक्रमण गर्दा दुई जना घाइते भएका छन्। बुद्धशान्ति गाउँपालिका–२ मा बुधबार बिहान हात्तीले आक्रमण गर्दा घाइते हुनेमा इलाम देउमाई नगरपालिका–१० ढोडेनी बस्ने १९ वर्षीय कृतिमान खाती र अर्जुनधारा नगरपालिका–१ सिस्ने बस्ने १९ वर्षीय मिलन कार्की डोली रहेको प्रहरीले जनाएको छ।

घइतेमध्ये खातीको बिर्तामोडस्थित बिर्तासिटी अस्पताल र डोलीको लिभिङ होम पोलिक्लिनिक बुधबारेमा उपचार भइरहेको छ। प्रहरीका अनुसार खाती गम्भीर घाइते छन्।

उनको हात र छातीमा चोट लागेको र बोल्न नसक्ने अवस्थामा छन् भने डोली सामान्य घाइते छन्। उनीहरू दुवै श्रमिक हुन्।

आज बिहान ७ः०० बजे गाउँमा हात्ती पसे पछि धपाउने क्रममा उनीहरू घाइते भएको जिल्ला प्रहरी कार्यालय झापाका प्रवक्ता राकेश थापाले जानकारी दिए।