एजेन्सी, इन्डियन प्रिमियर लिग (आईपीएल) क्रिकेटअन्तर्गत दुई अस्थिर टोलीबीच भएको खेलमा कलकता नाइट राइडर्सले फराकिलो अन्तरले सनराइसजर्स हैदरबादलाई हराएको छ ।

मुम्बई इइिडयन्ससँगको पछिल्लो खेलमा ब्याटिङ कमजोर भएपछि आलोचित बनेको कोलकाताले बिहीबार भएको खेलमा शानदार कमब्याक गर्दै हैदराबादलाई ८० रनको फराकिलो अन्तरले हराएको हो ।

२८६ रन बनाउँदै आईपीएल २०२५ मा सनसनीपूर्ण सुरुवात गरेको हैदराबाद भने लगातार तेस्रो खेलमा पराजित भएको छ ।

चार दिनअघि मुम्बईसँग ११६ रनमा समेटिएको कोलकाताले हैदराबादसँगको खेलमा ६ विकेटको क्षतिमा २०० रन जोडेको थियो ।

कलकताका लागि उपकप्तान बैंकटेस ऐयारले २९ बलमा ६० रन जोडे । यस्तै रिङ्कु सिंह अविजित रहँदै १७ बलमा ३२ रन बनाउन सफल भए ।

यी दुई जमेपछि कलकताले अन्तिम ५ ओभरमा ७८ रन प्रहार गरेको थियो । यसअघि कप्तान अजिक्य रहाणे र अङ्कगरिस रघुवंशीले तेस्रो विकेटका लागि ८१ रनको साझेदारी गरेका थिए ।

रहाणेले ३८ तथा रघुवंशीले ५० रन जोडे ।