काठमाण्डू, युवा ब्याटर अर्जुन कुमालले जारी संस्करणको प्रधानमन्त्री कपमा शतकीय पारी खेलेका छन् ।

गण्डकी प्रदेशबाट प्रतियोगिता खेलिरहेका उनले सोमबार मधेश प्रदेशविरुद्ध १४० बलमा १० चौका र एक छक्कासहित १०६ रनको शतकीय पारी खेलेका हुन् ।

जारी प्रधानमन्त्री कपमा शतक हिर्काउने अर्जुन तेस्रो ब्याटर हुन् । योसँगै उनी सर्वाधिक रनकर्ताको सूचीको शीर्ष स्थानमा उक्लिएका छन् ।

अर्जुनले ९ खेलमा ३ सय ७२ रन बनाएका छन् । त्यसक्रममा उनले एक शतक र दुई अर्धशतकीय पारी खेलेका छन् ।

अर्जुनले शतकीय इनिङ खेलेको म्याचमा गण्डकीको टोली मधेश प्रदेशसँग बराबरीमा रोकियो । अर्थात् दुवै टिमले समान २४६ रन बनाए ।