काठमाडौं : पछिल्लो २४ घण्टाभित्र काठमाडौं उपत्यकामा ३२२ कोरोना भाइरसका संक्रमित थपिएका छन् । उपत्यकाका विभिन्न ल्याबहरुमा भएका पीसीआर तथा विभिन्न स्थानमा गरिएको एन्टिजेनबाट ती संक्रमित पहिचान भएको स्वास्थ्य तथा जनसंख्या मन्त्रालयले जानकारी दिएको छ । 

थपिएका संक्रमितमध्ये काठमाडौंका सबैभन्दा बढी २२९ जना रहेका छन् । यसैगरी भक्तपुरमा २५ र ललितपुरमा ६८ जना संक्रमित थपिएको मन्त्रालयले जनाएको छ ।   

गत २४ घण्टाको अवधिमा नेपालमा थप ७६४ जनालाई कोरोना संक्रमण भएको मन्त्रालयले जनाएको छ ।