काठमाडौं : नेकपा एकीकृत समाजवादीले प्रदेश १ र बागमती प्रदेशको मुख्यमन्त्री पाउने भएको छ । बिहीबार प्रधानमन्त्री निवास बालुवाटारमा बसेको सत्ता गठबन्धनको बैठकले सो सहमति गरेको हो । 

ती प्रदेशमा अहिले एमालेका मुख्यमन्त्रीहरु छन् । तर, केही दिनभित्रै विश्वासको मत लिनुपर्ने बाध्यतामा रहेका उनीहरु अल्पमतमा छन् ।

संघीय सरकारमा नेकपा एकीकृत समाजवादीले कम मन्त्रालय पाउने भएपछि असन्तुष्टि जनाउँदै आएको थियो । त्यसैको क्षतिपूर्ति स्वरुपमा दुई प्रदेशको मुख्यमन्त्री दिन लागिएको बैठकमा सहभागी एक नेताले जानकारी दिए ।