काठमाडौं : पूर्वी नवलपरसीको हुप्सेकोट गाउँपालिका वडा नं. १ का अध्यक्ष चित्रबहादुर कानूको खाटबाट लडेर मृत्यु भएको छ । ४५ वर्षीय  वडाध्यक्ष कानुको बुधबार बिहान मृत्यु भएको हो ।

खाटबाट लडेर घाइते भएका वडाध्यक्षलाई मध्यविन्दु जिल्ला अस्पताल लगेको केही बेरमै मृत घोषणा गरेको थियो ।उनी बिहान शौचालय जान बाहिर निस्किएको र पछि सुत्न लाग्दा अचानक खाटबाट लड्न पुगी बेहोस भएका थिए । वडाध्यक्ष कानूको आज नै नारायणी नदीमा लगी दाहसंस्कार गरिएको छ ।