काठमाडौं : सिंगापुर रेडक्रसले पठाएको विभिन्न स्वास्थ्य सामाग्री नेपाल रेडक्रस सोसाइटीलाई हस्तान्तरण गरिएको छ । प्रारम्भ सामाजिक संस्थाको पहलमा सिंगापुर रेडक्रस द्वारा पठाइएको २५ थान अक्सिजन कन्सन्ट्रेटर आज नेपाल रेडक्रस सोसाइटीलाई उपलब्ध गराइएको हो । प्रारम्भकी अध्यक्ष कल्पना क्षेत्रीले नेपाल रेडक्रसका अध्यक्ष नेत्र प्रसाद तिम्सिना र कार्यकारी निर्देशक उमेश ढकाललाई समाग्री हस्तान्तरण गरिएको बताइन्। 

हस्तान्तरण समारोहमा सुप्रसिद्ध गायिका आनी छोइङ्ग डोल्मा, नेपाल पत्रकार महासंघ काभ्रेका अध्यक्ष बद्रीराज तिमल्सिना, नेपाल प्रेस युनियनका उपाध्यक्ष इश्वरी ओझा तथा युवा व्यवसायी मनोज पुरी लगायतको सहभागिता रहेको थियो ।

सिंगापुर रेडक्रसद्वारा कोरोना महामारी नियन्त्रण र मानवीय क्षति न्यूनिकरणका लागि अन्य जिल्लाहरुमा पनि अति आवश्यक अक्सिजन, भेन्टिलेटर, स्वास्थ्य सामाग्री, पिपिई, मास्क, स्यानिटाइजर र औषधी लगायतका सामाग्रीहरु सहयोग गरिरहेको बताईएको छ ।