काठमाडाैंः सुनकाे मूल्यमा पुनः वृद्धि भएकाे छ। बिहीबार नेपाली बजारमा सुनको मूल्य प्रति ताेला सात सय रूपैयाँले बढेको हाे। 

नेपाल सुनचाँदी व्यवसायी महासंघका अनुसार बिहीबार छापावाल सुनकाे मूल्य ९४ हजार दुई सय रूपैयाँ कायम भएकाे हो। त्यस्तै तेजावी सुनमा समेत मूल्य वृद्धि हुँदै तेजावी सुन प्रति ताेला ९३ हजार सात सय रूपैयाँ कायम भएकाे छ। 

केही महिनायता ओरालाे लाग्दै गरेकाे सुनकाे मूल्य पछिल्लाे सातायता बढ्ने क्रममा रहेकाे छ। 

चाँदीको मूल्यमा भने कुनै परिवर्तन नभएकाे महासंघले जनाएकाे छ। गत तीन दिन यता चाँदी प्रतितोला एक हजार तीन सय ५० रूपैयाँमा काराेवार हुँदै आएकाे छ।