काठमाडाैंः नेपालसहित विश्वभरि ‘नर्सः नेतृत्वका लागि आवाज, भविष्यको स्वास्थ्य सेवाका लागि एक दृष्टि’ भन्ने नाराका साथ अन्तर्राष्ट्रिय नर्स दिवस मनाइँदै छ। काेराेना सङ्क्रमण तीव्र रुपमा फैलिएकाले कुनै औपचारिक कार्यक्रम नगरिए पनि नेपालमा विभिन्न तहका व्यक्तिले नर्स दिवसकाे शुभकामना प्रदान गरेका छन्।

राष्ट्रपति विद्यादेवी भण्डारीले पनि अन्तराष्ट्रिय नर्स दिवसमा एक शुभकामना सन्देश जारी गरेकी छिन्। सामाजिक सञ्जाल ट्वीटरमार्फत उनले कोभिड–१९ विरुद्धको लडाइँमा अग्रभागमा रहेर सङ्क्रमितको हेरचाहमा खटिएका नर्सको उच्च प्रशंसा गरेकी हुन्। 

“विश्वव्यापी महामारी कोभिड–१९ विरुद्धको लडाइँमा अग्रभागमा रहेर सङ्क्रमितको हेरचाहमा अहोरात्र खटिनुभएका सम्पूर्ण नर्सहरूको त्याग, समर्पण र लगनशीलताको उच्च प्रशंसा गर्दै अन्तर्राष्ट्रिय नर्स दिवस तथा २०१औँ फ्लोरेन्स नाइटिङ्गेल जयन्तीका अवसरमा हार्दिक शुभकामना व्यक्त गर्दछु”,राष्ट्रपतिले ट्वीटमार्फत भनेकी छिन्।