एजेन्सीः भारतमा जारी इण्डियन प्रिमियर लिग (आईपीएल)मा आज साविक विजेता मुम्बई इण्डियन्स र चेन्नाई सुपर किंग्स भीड्दै छन्। आईपीएलमा यी दुई टाेलीबीचकाे खेललाई निकै महत्वका साथ हेर्ने गरिन्छ।

खेल नेपाली समयअनुसार साँझ ७ः४५ बाट शुरु हुनेछ। खेल दिल्लीकाे अरुण जेट्ली रंगशालामा हुनेछ। 

चेन्नाई हाल ६ खेलमा पाँच जीतसहित अंक तालिकाकाे शीर्षस्थानमा रहेकाे छ भने मुम्बई हाल ६ खेलमा तीन जीत र तीन हारसहित अंक तालिकाकाे चाैथाे स्थानमा रहेकाे छ। 

यस्तै गएराति भएकाे पञ्जाब र बेंगलाेरबीचकाे खेलमा पञ्जाब विजयी भएकाे छ। बेंगलाेरलाई पञ्जाबले ३४ रनले पराजित गरेकाे हाे। पञ्जाबका कप्तान केएल राहुलले ५७ बलमा ९१ रनकाे शानदार पारी खेलेपछि र बलर हरप्रित ब्रारले चार ओभरमा १९ रन दिएर बेंगलाेरका कप्तान विराट काेहली, ग्लेन म्याक्सवेल र एवि डि भिलियर्सकाे विकेट लिएपछि खेल पञ्जाबले जितेकाे हाे।