काठमाडाैंः उपत्यकामा हाल मेघ गर्जन र चट्याङसहित अविरल वर्षा भइरहेकाे छ। हिजाे बिहीबार नेपालकाे दक्षिण-पश्चिमबाट मेघ गर्जन, चट्याङ्, हावाहुरीसहित वर्षा गराउने बादल विकसित भएकाे र साे बादल उत्तर-पूर्व तिर सर्ने क्रममा रहेको थियाे।

साेही बादलकाे प्रभावस्वरुप उपत्यकासहित गण्डकी प्रदेश, बागमती प्रदेश, प्रदेश १ को पहाडी भू-भागका साथै लुम्बिनी प्रदेशको पूर्वी जिल्लाहरूमा मेघ गर्जन, चट्टयाङ, हावाहुरी र असिनासहित वर्षा भैरहेको माैसम पूर्वानुमान महाशाखाले जनाएकाे छ। 

यस्तै देशमा प्रि मनसुनी वर्षा सक्रिय भएकाे भन्दै सतर्कता अपनाउन राष्ट्रिय विपद् जाेखिम न्यूनिकरण तथा व्यवस्थापन प्राधिकरणले आग्रह गरेकाे छ।