काठमाडाैंः नेप्से परिसूचक हालसम्मकै उच्च विन्दुमा पुगेको छ। लगातार उकालो लागेको नेप्से वृद्धि क्रम आज पनि जारी रहँदा नयाँ इतिहास कायम भएको हो। नेपाल स्टक एक्सचेञ्जका अनुसार नेप्से परिसूचक १७.२० विन्दुले उकालो लागेर दुई हजार ६ सय ९१.५५ मा पुगेको छ। नेप्सेले अब दुई हजार सात सयको यात्रा तय गरेको छ।

यस्तै, ठूला कम्पनीको शेयर कारोवारमापन गर्ने सेन्सेटिभ परिसूचक ३.७८ विन्दुले उकालो लागेर चार सय ८०.२९ मा पुगेको छ। कुल दुई सय १६ कम्पनीको एक करोड ३८ लाख २१ हजार पाँच सय ७३ कित्ता शेयर रु सात अर्ब ६१ करोड आठ लाख ८२ हजार ५० मा कारोवार भएकाे छ।

सोमबारको कारोवारपछि बजार पूँजीकरण रु ३७ खर्ब २६ अर्ब ८० करोड ६५ लाख ६० हजारको हाराहारीमा पुगेको छ। यो मुलुकको कूल ग्रार्हस्थ उत्पादन (जिडिपी)को हाराहारी हो। कारोवार भएका कुल १३ उपसमूहमध्ये ६ उपसमूहको शेयर ओरालो लागेको छ भने सात उपसमूहको शेयर उकालो लागेको छ। बैंकिङ १७.८१, विकास बैंक ३९.३६, निर्जीवन बीमा एक सय ६३.७६, उत्पादन १४.०६, लघुवित्त एक सय ८८.५६, जीवन बीमा एक सय ९७.७९ र सामूहिक लगानी कोष ०.०२ ले उकालो लागेको छ।

यस्तै, व्यापार ६९.६२, होटल तथा पर्यटन ७५.१९, जलविद्युत ४२.६७, वित्त १.३६, अन्य २९.७२ र लगानी ०.३३ बिन्दुले उकालो लागेको छ। कारोवारका आधारमा आज एनआइसि एशिया बैंक शीर्ष स्थानमा छ। सो बैंकको रु २५ करोड सात लाख १८ हजार चार सय ७६ कारोवार भयो।

यस्तै, नविल बैंक रु २४ करोड ५३ लाख ५६ हजार नाै सय ६०, नेपाल पूर्वाधार बैंक रु २२ करोड ११ लाख ९७ हजार पाँच सय ७०, नेपाल बैंक रु २१ करोड ४६ लाख १३ हजार चार सय ९५ र गरिमा विकास बैंक रु १९ करोड ८१ लाख ११ हजार नाै सय ५४ बराबरको कारोवार भई शीर्ष स्थानमा रहे।

कारोवारका आधारमा एनआइसि एशिया लघुवित्त ९.९६, महिला लघुवित्त ९.९५, छ्याङ्दी हाइड्रोपावर ९.८७, ज्योति लाइफ इन्स्योरेन्स ९.८६ र सिन्धु विकास बैंकका लगानीकर्ताले ९.८० प्रतिशतले कमाए। यसैगरी साञ्जेन जलविद्युत कम्पनी ४.४१, हिमाल दोलखा हाइड्रोपावर ३.९५, यूनाइटेड मोदी ३.६५, यूनिभर्सल पावर कम्पनी ३.४७ र रसुवागढी हाइड्रोपावरका लगानीकर्ताले ३.३६ प्रतिशतले गुमाए।