काठमाडाैंः नेपाल पत्रकार महासङ्घ काठमाडौंको अध्यक्षमा सूर्य सुवेदी विजयी भएका छन्। बिहीबार राति सम्पन्न मतगणनाअनुसार सुवेदी सात सय १३ मत ल्याएर विजयी भएका हुन्।

उनका निकटम प्रतिद्वन्द्वी मोहन पन्तले तीन सय ३७ मत प्राप्त गरेका छन्। यस्तै उपाध्यक्षमा रामचन्द्र दुलाल (भाञ्जा), महिला उपाध्यक्षमा अप्सरा गौतम, सचिवमा महेश्वर गौतम, सहसचिवमा अर्जुन डोटेल र कोषाध्यक्षमा अजित अधिकारी विजयी भएका छन्। यसैगरी खुला सदस्यमा कमलराज राई, कृष्णप्रसाद ढुङ्गेल, कृष्णराज गौतम, बुद्ध योञ्जन लामा, रमेशकुमार बोहरा, रमेश लामिछाने, रीना श्रेष्ठ र शैलेश डङ्गोल विजयी भएका छन्।

मधेशी सदस्यमा मीनाकुमारी यादव, दलित सदस्यमा शोभा नेपाली, समावेशी सदस्यमा दीपक काफ्ले र महिला सदस्यमा शोभा अर्याल विजय भएका छन्। देशभरको सबैभन्दा धेरै मतदाता रहेको काठमाडौं शाखाको बुधबार सम्पन्न निर्वाचनमा एक हजार दुई सय ३४ मत खसेको थियो।