काठमाडाैंः नेपालमा पछिल्लो २४ घण्टामा एक सय ६७ जनामा कोरोना भाइरसकाे सङ्क्रमण पुष्टि भएको छ। तीन हजार एक सय ४० जनाकाे पीसीआर परीक्षण गर्दा एक सय ६७ मा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
याे सहित नेपालमा कोरोना सङ्क्रमण पुष्टि हुनेको सङ्ख्या दुई लाख ७७ हजार एक सय ४७ जना पुगेको छ।
यस्तै पछिल्लाे २४ घण्टामा एक सय १५ जना निको भए भने कूल सङ्क्रमणमुक्त हुनेको सङ्ख्या दुई लाख ७२ हजार दुई सय २७ पुगेको छ। हाल नेपालभर एक हजार तीन सय ९० जना सक्रिय सङ्क्रमित छन्।
त्यस्तै पछिल्लो २४ घण्टामा काेराेना संक्रमण पुष्टि भएका तीन जनाको ज्यान गएकाे छ। याे सहित नेपालमा कोरोना सङ्क्रमणका कारण ज्यान गुमाउनेको सङ्ख्या तीन हजार तीस पुगेको छ।
प्रतिक्रिया