काठमाडौं : पछिल्लो २४ घण्टामा देशभर ६ सय ६२ जना कोरोना संक्रमित थपिएका छन् । देशभर ८ हजार ४ सय २६ जनामा गरिएको परीक्षणमा ६६२ जनामा कोरोना पुष्टि भएको हो ।

स्वास्थ्य तथा जनसंख्या मन्त्रालयका अनुसार बुधबार देशभर ७ हजार २२ पिसिआर र १ हजार ४ सय ४ जनाको एन्टीजेन परीक्षण गरिएको थियो । त्यसमध्ये पिसिआरबाट ५ सय ३५ र एन्टीजेनबाट १ सय २७ जनामा कोरोना पुष्टि भएको स्वास्थ्य मन्त्रालयले जनाएको छ । 

त्यस्तै पछिल्लो २४ घण्टामा कोरोनाबाट १३ जनाले ज्यान गुमाएका छन् भने ७ सय ५८ जना संक्रमणमुक्त भएका छन्। योसँगै हाल देशभर कोरोनाको सक्रिय संक्रमितको संख्या ११ हजार ५ सय ७९ रहेको छ । हालसम्म देशभर कोरोनाबाट ११ हजार ३ सय १८ जनाले ज्यान गुमाइसकेका छन् ।