काठमाडौं : नेकपा माओवादी केन्द्रका अध्यक्ष प्रचण्ड र एमाले वरिष्ठ नेता माधव नेपालबीच भेटवार्ता भएको छ ।  बिहीबार कोटेश्वरस्थित नेता नेपालको निवासमा उनीहरुबीच भेटवार्ता भएको हो ।

भेटवार्ताका क्रममा नेपाल कम्युनिष्ट पार्टी (नेकपा) बदर गर्ने सर्वोच्च अदालतको फैसलामा पुनरावलोकनमा जाने बारे छलफल भएको छ । भेटका क्रममा माओवादी केन्द्रका अध्यक्ष प्रचण्डले नेपाललाई आफूहरू सर्वोच्चको फैसलामाथि पुनरावलोकनमा जानेबारे जानकारी गराएका थिए। जवाफमा नेपालले आफूहरूको समर्थन रहनेबारे अवगत गराएका बताइएको छ ।