सप्तरीः जिल्लाकाे बोदे बर्साईन नगरपालिकामा मंगलबार बिहान जन्ती बोकेको माइक्रोबस दुर्घटना हुँदा चालकसहित १२ जना घाइते छन्।​

इलाका प्रहरी कार्यालय कडरबोनाका प्रहरी निरीक्षक बिरेन्द्र पासवानले बताएअनुसार ना १ ज ८९३८ नम्बर विङ्गर दुर्घटनामा परेकाे हाे। बोदेबर्साईन नगरपालिका वडा नम्बर ८ काचनबाट जन्ती बोकेर गएको विङ्गर बिसनुपुर गाउँपालिका वडा नम्बर १ मधेपुराबाट घर फर्किने क्रममा बिसनपुर–बर्साईन सडक खण्डमा दुर्घटनामा परेकाे हाे। 

घाइतेमध्ये दुईकाे अवस्था गम्भीर रहेको छ। साेही नगरपालिकाका ४५ वर्षीय बच्चालाल दास र २९ वर्षीय देवनारायण दास गम्भीर घाइते भएका छन्। 

घाइतेकाे रुपनी गाउँपालिका १ स्थित युनिक अस्पतालमा उपचार भइरहेको इलाका प्रहरी कार्यालयले जनाएको छ।