काठमाण्डू, हाल देशभर स्थानीय वायु र पश्चिमी वायुको प्रभाव सक्रिय रहेकाले कोशी, बागमती, गण्डकी र कर्णाली प्रदेशमा आंशिकदेखि सामान्य बदली देखिएको छ ।

जल तथा मौसम विज्ञान विभागका अनुसार कोशी र बागमती प्रदेशका एक/दुई स्थानमा अहिले पनि चट्याङसहित हल्का वर्षा भइरहेको छ ।

दिउँसो देशभर आंशिकदेखि सामान्य बदली रहनेछ भने पहाडी क्षेत्रमा चट्याङसहित हल्कादेखि मध्यम वर्षा हुने सम्भावना छ ।

कोशी, बागमती र गण्डकी प्रदेशका पहाडी भू-भागमा एक/दुई स्थानमा भारी वर्षा र उच्च पहाडी तथा हिमाली भू-भागमा हल्का हिमपातको सम्भावना रहेको पूर्वानुमान महाशाखाले जनाएको छ ।

भारी वर्षाको सम्भावनाले कृषि, यातायात, स्वास्थ्य र जनजीवन प्रभावित हुन सक्ने भएकाले सतर्क रहन महाशाखाले अनुरोध गरेको छ ।