काठमाडौं : पछिल्लो २४ घण्टामा थप ७६० जनामा कोरोना भाइरसको संक्रमण पुष्टि भएको छ । शनिबार स्वास्थ्य तथा जनसंख्या मन्त्रालयले दिएको जानकारीअनुसार देशका विभिन्न प्रयोगशालाहरुमा गरिएको छ हजार १६८ जनाको पीसीआर र पाँच हजार ८६३ जनाको एन्टिजेन गरी १२ हजार ३१ जनामा गरिएको परीक्षणका क्रममा ७६०  जनामा संक्रमण पुष्टि भएको हो ।

मन्त्रालयका अनुसार हाल देशभर १५ हजार ३४० जना सक्रिय संक्रमित रहेका छन् । गत २४ घण्टामा कोरोना संक्रमणका कारण नेपालमा ११ जनाको मृत्यु भएको मन्त्रालयले जानकारी दिएको छ ।