काठमाडौं: नेकपा एकीकृत समाजवादीको संसदीय दलको नेतामा राजेन्द्र राई चयन भएका छन् । राई सर्वसम्मत रुपमा दलको नेता चयन भएको सोही पार्टीको सांसद् सावित्रा कुमारी रेग्मीले बताइन् । 

प्रदेश संसद् सचिवालय आजै जानकारी गराइने रेग्मीले बताइन् । राई नेकपा एमालेको तर्फबाट भोजपुर १ (१) बाट निर्वाचित भएका थिए । 

उनले संघीय समाजवादी फोरमका अजम्बर राई काङमाङलाई पराजित गरेका थिए । राईले १९ हजार २ सय ९७ मत पाएका थिए भने काङमाङले ११ हजार ५ सय ४१ मत पाएका थिए ।

एमाले विभाजित भएर गठन भएको एकीकृत समाजवादीका प्रदेश १ मा १० जना सांसद् छन् ।