काठमाडौ : प्रदेश नं.१ का मुख्यमन्त्री शेरधन राईविरूद्ध सदनमा अविश्वासको प्रस्ताव पेश भएको छ। आइतबार अबेर गरी बसेको प्रदेश संसद वैठकमा इन्द्रबहादुर आङ्बोले मुख्यमन्त्री राईविरूद्ध अविश्वासको प्रस्ताव पेश गरेका हुन्।

नेपालको संविधानको धारा १८८ (४) तथा प्रदेशसभा नियमावली २०७४ को १२९ (१) बमोजिम मुख्यमन्त्री राईविरुद्धको अविश्वासको प्रस्ताव पेश भएको हो।

मुख्यमन्त्री राईविरुद्ध प्रचण्ड–माधव समूहले  पुस १२ गते नै अविश्वासको प्रस्ताव दर्ता गरेको थियो। अविश्वास प्रस्ताव पेश हुनेवित्तिकै फागुन २० गतेसम्म प्रदेशसभा बैठक स्थगित भएको छ ।