काठमाडौं : पछिल्लो २४ घण्टामा काठमाडौंमा थप  ५३१ जनामा कोरोना भाइरस संक्रमण पुष्टि भएको छ  । यस्तै भक्तपुरमा ४१ रललितपुरमा थप  १४७ जनामा संक्रमण पुष्टि भएको स्वास्थ्य मन्त्रालयले जनाएको छ । यससँगै आज उपत्यकामा कूल ७१९ सङ्क्रमित थपिएका छन् ।

सोमबार उपत्यकामा ४७४ सङ्क्रमित थपिएका थिए । काठमाडौँमा ३३०, ललितपुरमा ५६ तथा भक्तपुरमा ८८ जनामा सङ्क्रमण पुष्टि भएको थियो । यस्तै आइतबार उपत्यकामा ३३४ सङ्क्रमित थपिएका थिए भने काठमाडौँका २३४, भक्तपुरका ३६ तथा ललितपुरका ६४ सङ्क्रमित रहेका थिए ।

पछिल्लो २४ घण्टामा थप ३१०८ जनामा कोरोना भाइरस संक्रमण पुष्टि भएको छ । देशभरका विभिन्न प्रयोगशालामा १३१३५ नमुना परीक्षण गर्दा उनीहरुमा संक्रमण पुष्टि भएको स्वास्थ्य मन्त्रालयले जनाएको छ । यस्तै २५ जनाको मृत्यु भएको मन्त्रालयले जनाएको छ ।