काठमाडौं : बलात्कारपछि हत्या गरिएकी बैतडी चडेपानीकी १७ बर्षीय किशोरी भागरथी भट्टको घटनामा संलग्न आरोपित दिनेश भट्टलाई प्रहरीले सार्वजनिक गरेको छ। बुधबार दिउँसो अभियुक्त भट्टलाई जिल्ला प्रहरी कार्यालय बैतडीले एक पत्रकार सम्मेलनमार्फत् सार्वजनिक गरेको हो।  

पत्रकार सम्मेलन प्रहरीले घटना अनुसन्धानमा प्राप्त प्राविधिक प्रमाण, प्रत्यक्षदर्शी साक्षी, साबिती बयान लगायतका आधारमा भट्टलाई पक्राउ गरिएको बताएको छ।

घटनास्थलको त्रुटिरहित ढंगले प्रमाण संकलन गरेर प्रयोगशालामा पनि प्रमाण पठाईको प्रहरीले जानकारी दिएको छ। 

अभियुक्त भट्टविरुद्ध ज्यान मुद्दामा म्याद थप गरेर विस्तृत अनुसन्धान हुने भएको छ। उनीविरुद्ध भागरथीका दाइले किटानी जाहेरीसमेत दिइसकेका प्रहरीले बताएको छ।