पर्साः जिल्लाको कालिकामाई गाउँपालिकाका अध्यक्ष नथुनी प्रसाद कुशवाहाको निधन भएको छ। शुक्रबार बिहान ८५ वर्षकाे उमेरमा अध्यक्ष कुशवाहाको निधन भएकाे हाे। 

अध्यक्ष कुशवाहाकाे स्वास्थ्यमा समस्या देखिन थालेपछि केही दिनयता उनी विरगञ्जमा बस्दै आएका थिए। परिवारकाअनुसार उनमा ज्वरो आउने र श्वासप्रश्वासमा अफ्ठ्याराे हुने समस्या देखिन थालेकाे थियाे। 

उनकाे आजै दाहसंस्कार गरिने बताइएकाे छ। पछिल्लो स्थानीय तहको निर्वाचनमा संघीय समाजवादी पार्टीबाट गाउँपालिकाको अध्यक्ष चुनिएका कुशवाहा पञ्चायतकालमासमेत प्रधानपञ्च भइसकेका थिए।