दाङः जिल्लाकाे तुलसीपुर उपमहानगरपालिका-७ निवासी २५ वर्षीय पदम पोखरेलले २४ वर्षकी श्रीमती विपना रेग्मी पोखरेललाई ढुङ्गाले हानेर हत्या गरेका छन्। इलाका प्रहरी कार्यालय तुलसीपुरका प्रहरी नायब उपरीक्षक शिवबहादुर सिंहकाअनुसार मङ्गलबार राति करिब ८ बजे घटना भएकाे हाे।

ढुङ्गाले हान्दा गम्भीर घाइते भएकी विपनालाई उपचारका लागि राप्ती प्रादेशिक अस्पताल तुलसीपुर ल्याउँदै गर्दा बाटोमै निधन भएको हो। उनको शव प्रादेशिक अस्पतालमा राखिएको छ। फरार रहेका श्रीमान पदमकाे खोजी भइरहेको प्रहरीले जनाएकाे छ। मृतक विपनाकी चार वर्षीया छोरी छिन्।