काठमाडाैं । गोरखा नगरपालिका वडा नम्बर ८ ढुङ्गागाढे नजिकै इको भ्यानको ठक्करबाट शुक्रबार एक महिलाको निधन भएको छ । जिल्ला ट्राफिक प्रहरी प्रमुख मित्रलाल ढकालका अनुसार ग १ ज ७४४६ नम्बरको भ्यानले गोरखा नगरपालिका वडा नम्बर ८ कि निरमाया थापालाई ठक्कर दिएको हाे ।
मृतक थापा विद्यालयमा नाती नातीना पुर्याएर फर्कँदै गर्दा आहालेबाट ढुङगागाढे तर्फ जाँदै गरेको भ्यानले ठक्कर दिएको प्रहरीले जनाएको छ । बाटो काट्ने क्रममा थापालाई भ्यानले ठक्कर दिएको हो ।
थापालाई उपचारको लागि गोरखा अस्पताल लैजाँदै गर्दा निधन भएको ट्राफिक प्रहरीले जनाएको छ । ठक्कर दिने सवारी र चालक सक्गुल मियाँ प्रहरी नियन्त्रणमा छन् ।
प्रतिक्रिया