काठमाडौं : पेट्रोलियम पदार्थको भाडा लगातार बृद्धि भएपछि यातायात व्यवसायीहरुले चैतभित्रै भाडादर बढाउन माग गरेका छन् ।  बिहीबार नेपाल यातायात व्यवसायी राष्ट्रिय महासंघले भौतिक पूर्वाधार तथा यातायातमन्त्री बसन्त नेम्वाङलाई भेटेर भाडा बढाउन माग गरेको हो । 

चैत तेस्रो सातासम्म भाडादर नबढाए आफूहरु सवारी साधन थन्क्याउन बाध्य हुने पनि व्यवसायीहरुले चेतावनी दिएका छन् ।  मंगलबार मात्र नेपाल आयल निगमले पेट्रोलियम पदार्थको मूल्यमा प्रतिलिटर २ रुपैयाँले बृद्धि गरेको थियो । नेपाल आयल निगमले अन्तर्राष्ट्रिय  बजारमा कच्चा तेलको मूल्य बढेको भन्दै पुनः पेट्रोलियम पदार्थको मूल्य बढाएको जनाएको छ । 

यसअघि निगमले फागुन १७ गते पेट्रोलियम पदार्थको मूल्य बढाएको थियो। निगमले फागुन ४ तथा माघ ६ र २८ गते पनि पेट्रोलियम पदार्थको मूल्य बढाएको थियो।